Back Boston Afrikaans ቦስቶን Amharic Boston AN Botwulfstūn ANG بوسطن Arabic ܒܘܣܛܘܢ ARC بوسطون ARZ Boston Aymara Boston Azerbaijani بوستون AZB

Boston

Boston
flag of Boston (en) Traducir
Alministración
PaísBandera de Estaos Xuníos d'América Estaos Xuníos
EstaosBandera de Massachusetts Massachusetts
Condáu condáu de Suffolk
Tipu d'entidá ciudá de los Estaos Xuníos
Mayor of Boston (en) Traducir Michelle Wu
Nome oficial Boston (en)
Nome llocal Boston (en)
Nomatu Beantown (en)
The Hub (en)
The Cradle of Liberty (en)
Códigu postal
Xeografía
Coordenaes 42°21′37″N 71°03′28″W / 42.3603°N 71.0578°O / 42.3603; -71.0578
Boston alcuéntrase en los EE.XX.
Boston
Boston
Boston (los EE.XX.)
Superficie 232.167761 km²
Altitú 43 m
Llenda con
Demografía
Población 675 647 hab. (1r abril 2020)
Porcentaxe 100% de condáu de Suffolk
Densidá 2910,17 hab/km²
Viviendes 273 188 (31 avientu 2020)
Más información
Fundación 7 setiembre 1630 (Xulianu)
Prefixu telefónicu 617
Estaya horaria Horariu del este de Norteamérica
UTC−05:00 (horariu estándar)
UTC−04:00 (horariu de branu)
Llocalidaes hermaniaes
boston.gov
Cambiar los datos en Wikidata

Boston ye la capital y ciudá más poblada de Massachusetts, y una de les ciudaes más antigües de los Estaos Xuníos. Al tratase de la ciudá más poblada de Nueva Inglaterra, Boston ye considerada'l centro económicu y cultural de la rexón y ye referida n'ocasiones como la "Capital de Nueva Inglaterra" de manera non oficial. En 2008 la ciudá contaba con una población de 645.169 habitantes. Boston ye, tamién, el centro neurálxicu `'un área metropolitana considerablemente grande denominada Gran Boston, con una población de 4,5 millones d'habitantes, la décima mayor área metropolitana de la nación. El Gran Boston, como rexón a la que se desplacen multitú de trabayadores, incluye siete condaos de Massachusetts, tou Rhode Island y partes de New Hampshire; colo que suma un total de 7,5 millones d'habitantes, polo que esta Área Estadística Combinada ye la quinta de los Estaos Xuníos por población.[1]

En 1630, los colonos puritanos llegaos d'Inglaterra fundaron la ciudá na península de Shawmut.[2] A finales del sieglu XVIII, Boston foi'l llugar onde ocurrieron dellos eventos importantes demientres la Revolución d'Estaos Xuníos, como la Masacre de Boston y el Motín del té. Varies batalles nos entamos de la Revolución, tales como la Batalla de Bunker Hill y el Sitiu de Boston, ocurrieron dientro de la ciudá y n'árees de la redolada. A través de la recuperación de terrenos y anexones municipales, Boston espardióse más allá de la península.

Masacre de Boston. Na imaxe vese l'asesinatu de Crispus Attucks, que se convirtió nun importante símbolu pa los abolicionistes. (Obra de John Bufford, circa 1856).[3]

Depués de la independencia de los Estaos Xuníos llogróse que Boston se convirtiera nun importante puertu marítimu y centro manufactureru,[2] y la so rica historia agora atrae a 16,3 millones de visitantes al añu.[4] La ciudá foi sede de varies primicies, incluida la primer escuela pública d'Estaos Xuníos, la Escuela Llatina de Boston (1635)[5] y la primer universidá, Harvard College (1636), na vecina Cambridge. Boston foi tamién el llar de la primera rede de metro nos Estaos Xuníos.[6]

  1. ↑ «Combined statistical area population and estimated components of change: April 1, 2000 to July 1, 2008 (CSA-EST2008-alldata)». United States Census Bureau, Population Division. Consultáu'l 11 d'abril de 2009.
  2. ↑ 2,0 2,1 Banner, David. «Boston History – The History of Boston, Massachusetts». SearchBoston. Archiváu dende l'orixinal, el 2009-03-15.
  3. ↑ Thomas H. O'Connor, The Hub: Boston Past and Present (Boston: Northeastern University Press, 2001), p. 56.
  4. ↑ «Boston: Economy». Thomson Gale (Thomson Corporation) (2006).
  5. ↑ «Boston Public Schools at a Glance 2009–2010». Boston Public Schools (febreru de 2010). Archiváu dende l'orixinal, el 2010-06-13.
  6. ↑ Fagundes, David; Grant, Anthony (28 d'abril de 2003). The Rough Guide to Boston. Rough Guides. ISBN 1-84353-044-9.

Developed by StudentB